老說如果我是男孩子，就一定必定鐵定要把我泡到手的奧莉花 (是啊，奧莉花黏著我這個魔女那麼久還是這樣放不開啊！^^)，半個月前已經跟公司申請了214假期，說要跟我慶祝情人節；有點老大不願意的我(趕稿啊！)，最後被她以下的攻勢攻陷了：
「同你去w's Entrecote食牛扒啦！你最鍾意！」
「唔......」
「順便去買你本新書！」
「你實買o架啦，唔駛特登情人節去買卦......」
「呀！我諗到送咩禮物俾你啦！」
「咩......」
「我出張附屬卡俾你買書睇丫！」
「嗄？真o架？」
「......唔知唔係直系親屬可唔可以出附屬卡呢......」
「係未真o架？」
「係呀！你買書睇，好睇既就俾埋我睇囉，咁幾好呀！」
「呢個真係我死穴o黎架噃！你話送隻鑽石戒指俾我，我都唔會so你，但你俾我任買書，我極有可能以身相許o架！」
「我知丫！」
好明顯，奧莉花已經扭轉了我不肯出來見她的歹勢！
為了我的附屬卡，我昨天特別在 w's Entrecote 訂好位置(當然打算由她來付款啦！我好窮啊！)，今天也沒睡得太晚，中午梳洗好後就撥電話給她，她卻沮喪地說：
「出唔到o黎啦......」
「嗄？」
「俾老闆追我交o野追到我就o黎死啦！琴晚成五點先訓啊，我秘書今朝仲打o黎問我點解唔返工，我話我請o左假呀，但佢話老闆係咁問XXX同yyy幾時先有......」
「我訂o左位啊......」
「最衰都係你啦......」
「關我咩事......」
「你唔做廣告，搞到我d o野做到甩皮甩骨！做極都唔岩心水！」
我翻一個白眼，「再約啦咁！」
☆ ☆ ☆
雖然我是為了那張附屬卡才答應出來的，但，不要說我沒心肝啦，我預備了四粒金莎送給你的啦！又雖然，這四粒金莎是我搶回來而不是買回來的 =p
小説不是送你的啊，只是因為《在戀愛和戀愛之間》裏有關於金莎的情節，所以我拿一本樣書來當照片背景啦，小說嘛，你當然要自掏腰包買囉！^^
還有，不要忘記我的附屬卡啊！！！^0^
