書展前和奧莉花抱著純粹"hea"的心情, 去了一趟大阪 :-)
我和奧莉花, 其實是安然和碧芝的真人版! (唔知邊個係安然同碧芝? >__<)
同樣是去大阪四日三夜, 我的行李是一隻紅色手提袋, 她的, 就是旁邊那隻銀色大皮箱, 更甚的是, 這隻皮箱裏, 藏有另一隻皮箱!
「嘩, 我去歐洲一個月都唔駛咁大隻箱!」
「咁, 要shopping丫嘛!」
「我唔shopping o架噃, 你知o架啦!」
「我知, 我帶定小說o黎架啦, 你一話要坐底飲咖啡睇書, 我會即刻攞一本書出o黎對住你睇!」
「呃......邊有咁多o野買呀其實......」
「買下買下就有架啦......」
旅程結束時, 我替奧莉花點算她這次旅程花在shopping上的總數。
「今次你買o左七千幾蚊o野!」
「嘩, 真係好少啊! 我上次同另外三個朋友去東京, 買o左七萬幾蚊啊!」
「我知......所以囉......」
「咩?」
「所以我真係你好朋友o黎o架 !」
(#^o^#)
p.s.1 奧莉花曾經將自己的睡房/ 傭人/ 按摩椅都讓出來給我半個月, 讓我在一個寧靜無憂的環境裏完成了《換掉別離的回憶》^^。
p.s.2 為了來我的簽名會, 奧莉花義無反顧地曠課! 並在會場裏當起派書籤的promotional girl --- 她可是某國際企業的高級經理啊!
p.s.3 我和奧莉花是唸碩士時的同學, 奧莉花之所以終於成功畢業, 全靠我不停借功課給她抄囉!! 哇哈哈~~
p.s.4 我決定迫奧莉花助養非洲兒童! 她總不能只助養modern beauty呀!!! 我知道, 她一定會聽我的! 她可是我的忠心讀者啊!^^
